Претходно
Кои 3 хороскопски знаци мора да скршат нечие срце за да ја пронајдат својата среќа во љубовта?
Понекогаш е неопходно да ставиме крај на приказната за да можеме да избереме нешто поинакво за себе. Иако е тешко, понекогаш мораме да се збогуваме со луѓето за кои мислевме дека ќе бидат тука засекогаш.
Понекогаш сте принудени да оставите одредени ситуации за да дојдете до она што е наменето за вас. Дури и кога сакате некого, таа врска не мора да биде корисна за вас. Некогаш е едноставно потребно да дозволите да ви биде скршено срцето, но и да ја преземете одговорноста за страдањето на партнерот. Откријте кои 3 хороскопски знаци мора да скршат нечие срце за да ја пронајдат својата среќа.
Рак
Се држите цврсто за луѓето кои ви значат многу, така што најчесто партнерот е оној кој ви раскинува. Не сакате да си признаете дека партнерот не ве третира како што треба или дека не сте еден за друг. Претпочитате да останете и да се обидувате да ги поправите работите што е можно подолго. Важно е да запомните дека секогаш имате опција да заминете. Ако вашата моментална врска не функционира, прекинете ја колку што можете порано. Откако ќе се збогувате со оваа личност која никогаш не требало да биде со вас, оставате простор за можноста да ја запознаете вашата сродна душа – личноста која ќе ви даде сè што некогаш сте посакале.
Вага
Простувањето е една од вашите одлики. Сè додека другата личност се обидува да се подобри, вие ќе ѝ давате уште шанси. Повеќе сте фокусирани на намерата отколку на напредокот. Меѓутоа, ако некој се обидел да биде партнерот што го заслужувате, но едноставно не ги исполнил вашите очекувања, дозволено ви е да продолжите понатаму. Дозволено ви е да заминете, иако одлуката сигурно ќе ви предизвика болка. Сепак, вие самите ја продолжувате болката со тоа што останувате некаде каде што не ви е местото. Мора да го оставите настрана стравот од конфликт, стравот од предизвикување страдање и да ја направите вистинската работа.
Јарец
Бидејќи ретко се поврзувате со луѓе, не сакате да ги раскинете врските што ги формирате. Никогаш не сакате да се оддалечите од луѓето со кои имате долга историја, дури и ако таа историја е комплицирана. Меѓутоа, само затоа што некој бил дел од вашата приказна вчера не значи дека тој треба да има место во вашата приказна денес. Треба да се запрашате дали личноста е соодветна за вас во моментов, денес. Фокусирајте се на сегашноста. Ако сметате дека таа личност не ве заслужува, треба да си заминете. Иако ќе му го скршите срцето на партнерот – ова раскинување ќе биде корисно за двајцата и ќе ве однесе и двајцата токму онаму каде што треба да бидете. Откако ќе се разделите еден од друг, можете да почнете да ја барате вашата вистинска сродна душа. Личност која ќе ви донесе повеќе среќа отколку стрес, повеќе возбуда отколку страв.
Откако прочитавте кои 3 хороскопски знаци мора да скршат нечие срце за да пронајдат среќа во љубовта, можеби ќе сакате да прочитате и кои 4 хороскопски знаци се речиси неосвоиви.
Извор: sensa.mondo.rs
