Претходно
Кое парче облека е задолжително за секој хороскопски знак?
Веќе е добро познато дека ние жените сме малку опседнати кога станува збор за модата, и воопшто не ни е жал да го купиме секое парче облека или моден детаљ кој ќе ни се допадне на прв поглед. Но, дали некогаш сте размислиле дека вашите инвестиции, всушност не се толку добри и исплатливи? Секако дека да, па затоа обидете се да се консултирате со хороскопот кога следниот пат ќе посегнете по паричникот за да не купите нешто што не ви е потребно. Еве на кои парчиња облека не треба да штедите, судејќи по вашиот хороскопски знак.
Идеалната инвестиција за Овните е еден пар добри чевли. Многу ви е важно да се чувствувате удобно во она што го носите, а сметате дека „круната“ на секој стил се токму добрите обувки, па затоа не ви е жал да платите колку што треба за „убавиците“ во кои ќе изгледате и ќе се чувствувате одлично. Веќе знаете – со добри чевли ќе го освоите светот.
Биковите нема да жалат пари за квалитетна и убава чанта. На вас ви е важна практичноста и сакате секогаш да ги имате при рака сите ваши работи. Па затоа, големата, атрактивна чанта се подразбира во вашите секојдневни комбинации.
Близнаците со задоволство ќе го освежат својот изглед со кожна јакна. И нема да им е важно колку таа ќе чини, бидејќи тие го обожаваат бунтовниот, младешки стил, без разлика колку години имаат. Ако сè уште не сте го пронашле вашиот идеален модел, што уште чекате?
Раковите се забавни и опуштени,а со истиот став пристапуваат и кон модата. Во вашиот гардеробер задолжително мора да се најдат добри фармерки, бидејќи вие со задоволство ги носите во сите прилики. И секако, одличните комбинации на кои сите ви завидуваат, се подразбираат!
