Претходно
Како се однесуваат во љубовната врска мажите и жените родени во знакот Вага?
Луѓето родени во знакот Вага генерално се сметаат за дел од најдобрите и најпосакуваните љубовни партнери. Нивниот шарм, чувството за естетика и доброто однесување ги прават многу пожелни во друштво на спротивниот пол. Ви откриваме кои карактеристики ги красат жените, а кои мажите, како љубовни партнери.
Жени родени во знакот Вага
Жените родени во знакот Вага го привлекуваат погледот штом ќе влезат во собата. Често се елегантни, анивниот шарм ги прави неодоливи. Тие сакаат интелигентен хумор што значи дека нема да можете да ги насмеете без никаков труд. Во љубовта се стремат кон големи идеали: за нив партнерот мора да ги има сите најдобри квалитети, а ретко се согласуваат на компромиси. Доколку најдат маж кој физички им се допаѓа, но не чувствуваат посебни емоции кога се сами со него, веројатно нема да им успее таквата врска. Тие секогаш имаат долгорочни планови и важно им е да ја делат истата визија за заедничкиот живот со партнерот. Вистина е дека не се задоволуваат со мали нешта и имаат тенденција да фантазираат за луксузот кон кој се стремат во животот.
Мажи родени во знакот Вага
Мажите родени во знакот Вага се снаодливи и знаат како да се однесуваат во различни ситуации. Сакаат неврзани разговори со припадниците на спротивниот пол, но тоа не значи дека се заљубуваат во секоја жена со која разговараат. Тие се директни во комуникацијата и доколку им се допаѓате, јасно ќе ви кажат. Претпочитаат разговори за политика, литература или општествени прашања и имаат одлична смисла за хумор. Не брзаат да се венчаат, уживаат во моментот и чекаат сè да се среди за да се одлучат за следниот чекор. Сепак, тоа не значи дека брачниот живот не е за нив, туку дека ќе ја анализираат врската до најситни детали за да одлучат дали сте вистинската личност за нив. Нивното претерано анализирање понекогаш создава проблем во врската, но за нив е навистина важно да донесат правилна одлука.
Откако прочитавте за карактеристиките на мажите и жените родени во знакот Вага, можеби ќе сакате да прочитате и кои хороскопски знаци сами ги постигнуваат своите цели во животот.
Извор: sensa.mondo.rs
