Претходно
Детален и сеопфатен хороскоп: Сè што треба да знаете за вашиот знак!
Датум: 04 јул 2016
Коментари: 0
Вага
Изглед: Тврдењето дека припадниците на овој знак се едни од најубавите, потврдуваат и експертите од козметичката индустрија. Овие знаци се најмалку склони кон брчки, поради што и во зрелите години имаат мазно лице.
Љубов: Тие се наоѓаат на врвот на листата на луѓе на кои жените најмалку им веруваат. Највешти се во ласкањето и заведувањето, на чиј шарм е тешко да се одолее.
Пари: Никој друг не ги обожава кредитните картички, симболите на парите и новите трендови кои толку многу сакаат да ги следат како Вагите. Иако ги користат со уживање, плаќањето на сметките не им оди баш од рака.
Брак: Во браковите во кои разликата во годините е десет или повеќе години, Вагите се позастапени од другите. Сакаат многу постари или помлади.
Талент: Сетилото за мирис им е посебно развиено, што ги прави идеални за работа во индустријата на парфеми. Без потешкотии ќе го намирисаат и мирисот на туѓо тело, па бидете внимателни доколку ве прегрнува и некој друг освен нив.
Скорпија
Темперамент: Склоноста кон неконтролирани изливи на бес ги изедначува со Овните. Во тоа лесно ќе се уверите доколку започнете јавно да ги анализирате пред другите или ако им поставувате премногу лични прашања.
Хумор: Ако сте љубители на црниот хумор, побарајте го нивното друштво. Луѓето кои ги познаваат Скорпиите тврдат дека со нив е премногу забавно, а најмногу уживаат во нивните луцидни провокации и смешни досетки кои ги прилагодуваат во сржта на проблемот.
Биоритам: Настапуваат во својот вистински елемент дури кога ќе падне ноќ. Концентрацијата им е најјака околу полноќ, па најлесно учат и работат кога останатите спијат.
Кариера: Создадени се за берза. За ова способност може да ѝ се заблагодарат на сигурната интуиција и потребата да ги победуваат другите.
Мода: Сакаат да провоцираат и да одат до крајност. Сакаат украсување на телото, па со задоволство ги покажуваат впечатливите тетоважи, повеќе издупчените уши или пирсингот на носот или папокот.
Стрелец:
Сексуалност: Сексолозите истакнуваат дека овие луѓе најретко се сретнуваат со сексуални проблеми. Сексуалните активности ги доживуваат како здрави за телото и поттикнување на духот, па им се препуштаат непречено како да станува збор за спорт.
Брак: Нивните брачни партнери сметаат дека најголем недостаток на Стрелците е нивната склоност кон неверство. Предностите кои најмногу ги ценат кај нив се толерантноста и подготвеноста за простување, а истакнуваат дека во домот често внесуваат ведрина и динамика.
Дом: Не сакаат столици. Гледаат телевизија седнати на перници на подот, на кои им даваат предност и над креветот. Дури и кога јадат, често седат на „турски“ начин.
Рекреација: Тие важат за најактивни луѓе. Причината лежи во вродената живост, но многумина помеѓу нив се верни фанови на јогата и други облици на гимнастика.
Хоби: Најчесто уживаат во допир со природата, па за кампување или спиење во вреќи под отворено небо се одлучуваат полесно отколку останатите.
Јарец
Пари: Јарците припаѓаат на онаа група луѓе кои редовно купуваат скапи марки. Сепак, не се страсни купувачи и ги купуваат само неопходните работи, а критериум е квалитетот и трајноста на производот.
Однесување: Некои тврдења во врска со нив покажуваат дека треба да се преиспитаат, а затоа сведочи и податокот дека тие не придаваат значење на брачната верност во онаа мера во која се смета дека треба. Со текот на годините стануваат поведри и поопуштени, па со тоа сè посклони кон неверство и привремени вонбрачни патувања.
Работа: Работниот ден на Јарците честопати трае до доцна во ноќта. И не треба да ве чуди тоа дека тие најчесто се бричат, тушираат и преслекуваат во канцеларијата.
Хоби: Во овој знак се родени многу истакнати музичари, а особено гитаристи. Тие се сензибилни повеќе отколку што се мисли, а забележан е и рекорден број на Јарци комичари!
Слободно време: Една од омилените разоноди им е шахот, игра која го вежба мозокот и ја развива комбинаториката. На овој начин ги учат стратегиите на делување кои ги применуваат и во работата.
Водолија
Работа: На работното место кое бара оригиналност најчесто доаѓаат Водолиите. Дури и работата на подвижна лента ја работат на сопствен начин.
Технологија: Фасцинирани се со сè што е ултрамодерно. Меѓу првите купиле компјутери и се приклучиле на Интернет, а и при купувањето честопати се служат со апарати. Ќе ја прегрнат техно музиката, дури иако израснале со рок.
Љубов: Со нив е тешко да планирате иднина. На нивните партнери најмногу им смета склоноста да воспоставуваат пријателски односи со бившите партнери, како и да се често несигурни во природата на своите чувства.
Односот со другите: Пријателите најчесто им замеруваат за немирот и постојаната потреба за промена. Не ги држи ни време ни место, па нивното излегување најчесто изгледа како трчање од кафуле до кафуле, а брачниот живот е проследен со чести преселби.
Патување: Штом здогледате личност наоружана со камери, фотоапарати и двоглед, нема да погрешите ако ја прогласите за Водолија. Шумата ја сметаат за идеално место за живот и одмор. Ова склоност ја влечат од минатото, бидејќи во митологијата токму водоносецот бил заштитник на шумските џуџиња.
Риби
Карактер: Во населението на следбеници на различни секти, дури и на оние со сомнителни програмски начела, Рибите се најзастапени. Причината е двојна: Тие сакаат да се жртвуваат во корист на заедничкото добро, но и лесно можат да се заведат, посебно кога ќе сретнат вешт говорник.
Особини: Иако се сметаат за неуредни и површни, сепак се во предност во брзината на пронаоѓање предмети на работната маса, како и во леснотијата со која се присеќаваат на нејзината содржина.
Хоби: Уделот на Рибите во онаа група која редовно практикува дисциплини како што се тарот или геомантии е висок.
Навики: Обрнете внимание на нивното однесување во моментите на замисленост или додека концентрирано размислуваат, ќе забележите дека несвесно тријат или вртат преврзок, прстен, нараквица…
Љубов: Први се во заљубувањето на „прв поглед“. Припадниците на овој знак често го изјавуваат и тоа дека своите идни партнери најнапред ги запознале во сонот, а дури потоа во реалноста.
