Претходно
Астрологијата открива зошто имате лош вкус за момци
Дали некогаш сте си помислиле дека имате навистина лош вкус при изборот на момци? Колку пати ви се случило да најдете некое убаво и шармантно момче, а тоа набрзо да исчезне од вашиот живот? Или да си помислите дека тој е вистинскиот и по неколку недели или месеци да се покаже дека сте во заблуда. Прочитајте зошто правите лош избор кога се во прашање момците врз основа на вашиот хороскопски знак.
Овен
Девојките родени во овој знак се многу импулсивни. Тие најчесто дозволуваат емоциите да ги понесат многу брзо, па не размислуваат пред првиот бакнеж или пред да испратат премногу емотивна порака на момчето кое ги привлекува. Едноставно живеат за моментот, без да подразмислат за последиците. Токму затоа девојките родени во знакот на Овен можат да имаат прекрасна саботна вечер се некое момче, а од неделата наутро тоа исто момче целосно да исчезне од нивниот живот. Девојките Овни сакаат забава поради што обожуваат несериозни момци, затоа што тие им се возбудливи и интересни. Но, доколку сакате нешто посериозно, тогаш дајте си малку време и размислете за каков човек станува збор.
Бик
Девојките Бикови не се склони кон привремени „затрескувања“. Кога тие се вљубуваат во некое момче, тоа може да трае со години. Без оглед на неговиот однос кон нив, тие секогаш ќе наоѓаат изговори да ја одржат љубовта кон тоа момче. Доколку сакате да најдете вистинска љубов со вистинскиот човек, треба да се ослободите од идејата дека секое делумно пристојно момче што го сретнувате е вашиот потенцијален сопруг. Отворете ги очите и срцата за нови нешта. Наоколу има прекрасни луѓе.
Близнаци
Близнаците имаат премногу активен социјален живот. Девојките родени во овој знак во секое време се опкружени од многу момци, а речиси секој од нив го гледаат како свое потенцијално момче. Но, проблемот лежи во тоа што не може секој од тие момци да ви одговара на вашиот карактер. Иако вие знаете во секој човек да најдете по некоја убава работа, не губете си го времето со некои момци кои се премногу различни од вас.
Рак
Девојките родени во знакот на Рак избрзуваат кога станува збор за љубов на прв поглед. Вие толку многу посакувате љубовна бајка, при што не обрнувате големо внимание на момчето кое го замислувате како ваш принц. Тоа момче, многу често се случува дури и да не ви се допаѓа многу, туку да треба да се убедувате дека е вистинскиот. Мора да научите да бидете трпеливи. Не губете си го времето со момци кои ништо не ви значат. Можеби токму во тоа време покрај вас ќе помине вашиот вистински принц, а вие нема да го забележите.
Лав
Лавиците знаат дека можат да го освојат секое момче што ќе го посакаат. Затоа секогаш се упатувате кон најзгодните момци. Но, досегашното искуство досега веројатно ве научило дека физички најпривлечните момци не се секогаш вистинските. Затоа, понекогаш дозволете му до вас пристап и на некое момче кое на прв поглед изгледа просечно. Дајте му простор да го запознаете одблиску и ќе сфатите дека во него се крие големо срце, кое може вистински да ве сака, онака како што само вие заслужувате.
Девица
Девојките родени во знакот на Девица премногу размислуваат. Вие сте во постојана потрага по совршениот човек, но такви не постојат. Во љубовта владеат чувствата, а не разумот. Вие премногу размислувате за момчето и за врската, а со тоа си го скратувате задоволството да уживате во љубовта. Не мора момчето да биде онакво какво што сте си го замислиле.
Вага
Девојките Ваги имаат мал проблем со самодовербата. Немојте да мислите дека ако сте срамежливи и потивки од останатите девојки, не привлекувате внимание. Не е точно! Затоа, не дозволувајте си да „заглавите“ со првото просечно момче кое ќе ви пријде. Бидете малку избирливи, едноставно сте прекрасни и можете да си дозволите да одбивате и да прифаќате покани за состаноци. Доколку момчето не се однесува онака како што заслужувате, слободно ослободете се од него. Не мора за секој и за сè да имате разбирање. Вие сте чувствителна личност, а таквите ги заслужуваат најдобрите момци.
Скорпија
Скорпиите длабоко во себе имаат некое чувство дека не заслужуваат среќа. Токму затоа најчесто девојките Скорпии влегуваат во врска со погрешни луѓе. Едноставно прифатете го фактот дека не мора секогаш да сте во врска. Некогаш е подобро да сте сами, отколку со погрешно момче покрај вас. Вие заслужувате да бидете вистински сакани и да бидете во врска која ќе ве полни со позитивна енергија.
Стрелец
Девојките родени во знакот на Стрелец се големи оптимисти, што секако е добра особина. Но, кога станува збор за љубовта, тогаш тој оптимизам може да ве доведе до големи проблеми. Доколку сте во врска со момче кое кон вас не се однесува онака како што треба, вие нема да ја прекинете врската, туку упорно ќе се обидувате да ги поправите работите. Доколку сакате вистинска и квалитетна врска престанете да се фокусирате на поправање на работите.
Јарец
Девојките Јарци бараат целосна слобода во врската. Не сакаат љубовните состаноци да им го окупираат сето време, па затоа бараат момци кои имаат сличен став. Сакаат покрај момчето, да останат во блиски односи и со пријателките, но и да имаат време за прекувремената работа, затоа што кариерата им е подеднакво важна како и приватниот живот. Секако тоа е остварливо, но мора да го смените распоредот и приоритетите. Поради вашата амбициозност, потребно е да барате момче кое има ист таков став кон животот и кој сака напредок на секое поле. Но, некогаш е добро да се опуштите и да му дозволите на вашиот партнер да ви покаже дека работата не мора да биде центарот на вашиот свет.
Водолија
Вие сте многу креативни, а на креативните луѓе понекогаш им е потребна болка за да се наполнат со потребната енергија за создавање – пишување, сликање, танцување… Водолиите не сметаат дека љубовните рани се крај на светот, туку на нив многу често гледаат како на извор за нови идеи во нивното творештво. Но, вие не сте создадени за да бидете тажни. Како и сите останати и вие заслужувате среќа. Отворете го срцето и душата за нови нешта и авантури. Време да ставите розови очила и да почнете повеќе да уживате во љубовта.
Риби
Рибите сакаат нивните партнери, истовремено да бидат нивни љубовници и најдобри пријатели. Многу често се препуштаат во врска со другари и пријатели со кои се многу блиски. Но, тоа не се покажува секогаш како најдобра идеја. Затоа погледнете подобро околу себе, најдете некое момче кое ве привлекува, а доколку се најдете на иста фреквенција со него, пријателството само ќе се изгради врз љубовта, тула по тула, ден за ден.
