Претходно
Астрологијата открива каква љубов ве очекува во 2018-та година
Можеби 2017-та не била ваша година и не сте ја пронашле љубовта која сте ја сакале. Можеби веќе сте кренале раце од тоа. Но не очајувајте. Новата 2018-та година му носи изненадување на секој хороскопски знак. Некои ќе го пронајдат својот најдобар пријател, некои ќе се вљубат во животот, а некои пак конечно ќе го сретнат вистинскиот партнер. Погледнете какви се предвидувањата за во 2018-та според вашиот хороскопски знак.
Овен
Ќе ја најдете вистинската личност што засекогаш ќе остане во вашиот живот. Во 2018-та ќе нема потреба да се грижите за љубовта. Колку и да ви е тешко да поверувате, конечно ќе го најдете вистинскиот партнер. Сите скршени срца и осамени вечери конечно ќе ви се исплатат. Држете ја главата исправено и верувајте дека оваа година ќе ја пронајдете совршената личност за вас.
Бик
Во 2018-та ќе го пронајдете вашиот вистински најдобар пријател. Ова не значи дека ќе ја најдете личноста со која ќе стапите во брак, но сигурно тоа ќе биде личност на којашто ќе можете да се потпрете дури и кога ви е најтешко. Повеќе нема да бидете сами на овој свет. Конечно ќе имате вистински пријател на кој ќе можете да му кажете сè и кој нема да ви суди за ништо.
Близнаци
Ќе се пронајдете себеси. Сте поминале многу време сожалувајќи се и обидувајќи се да ја пополните празнината во вашето срце од врските и празните ветувања. Но овие денови се зад вас. Во 2018-та конечно ќе можете да останете сами. 2018-та е годината кога ќе успеете да бидете среќни со себе. Нема да ви биде потребен никој друг.
Рак
Љубовта која ќе ја пронајдете оваа година нема да биде вечна, но ќе ве промени засекогаш. Оваа љубовна авантура може да започне во некој бар, па дури и на некоја плажа. Но, без разлика каде се наоѓате со оваа личност, таа ќе ве научи на многу работи за себе и конечно ќе сфатите со каков партнер сакате да го поминете животот.
Лав
Вашата љубов за 2018-та е некој кој сте мислеле дека сте го изгубиле засекогаш. Можеби некој стар пријател, или пак познаник од училиште, без разлика кој е сигурно ќе го направи вашиот живот посреќен. Што и да правите, немојте да ѝ дозволите на оваа личност да си замине.
Девица
Најверојатно 2017-та била лоша година за вас. Но следната година ќе ја сретнете љубовта на вашиот живот. Разговарајте со странци. Пријдете му на келнерот кој ви се допаѓа. Флертувајте со момчето кое ве гледа. Поздравете се со девојката со убава насмевка. Немојте да ја испуштите оваа шанса.
Вага
Веќе некое време сте сингл бидејќи не можете да заборавите некој бивш партнер. Но среќата ќе ви се насмевне во 2018-та година. Токму тој бивш партнер ќе се врати во вашиот живот. Не обидувајте се да го „избркате“. Слушајте што има да ви каже. Простете му. Можеби ќе сакате повторно да ѝ дадете шанса на вашата врска.
Скорпија
Вие ќе се вљубите во животот. Заборавете ги врските. 2018-та е годината кога конечно ќе ја вратите вашата доверба во себе и во светот. Ќе се чувствувате многу среќно и прибрано, и искрено нема да сакате да се врзувате. Ќе сакате сами да одите на секакви авантури.
Стрелец
Во 2018-та година ќе ја сретнете вашата сродна душа, но во форма на пријател. Ќе ви биде потребна личност која ќе ги ислуша вашите грижи и проблеми, личност која ќе биде покрај вас без разлика на сè. Нема ни да помислувате на врска или венчавка бидејќи ќе го имате најдобриот пријател покрај себе.
Јарец
Оваа година навистина ќе се забавувате. Повторно ќе се вљубите во сексот. Повторно ќе се чувствувате удобно во својата кожа и нема да ве засегаат социјалните норми. Па излезете и уживајте во животот.
Водолија
Повторно ќе се сретнете со вашата прва љубов. Сигурно сте биле и во други врски откако сте прекинале со првата љубов, но никогаш не сте ја заборавиле целосно. Во 2018-та подгответе се за средба со вашата прва љубов кога најмалку очекувате. Ако среќата е на вашата страна ќе забележите дека вашата поврзаност сè уште е овде. Немојте да губите надеж.
Риби
Конечно ќе ја пронајдете сродната душа. Оваа љубов нема да ве напушти. Оваа љубов ќе остане со вас и никогаш нема да згасне. Кога ќе ја пронајдете, немојте да барате други работи. Немојте да истражувате за други опции. Останете искрени кон вашето срце.
Погледнете и кои знаци ќе имаат голема среќа на љубовно поле во ноември.
