Претходно
Астрологијата и љубовните врски: Зошто хороскопот некогаш може да ни помогне?
Датум: 22 фев 2016
Коментари: 0
Кога станува збор за љубовните врски, луѓето не можат да зависат само од компатибилноста. Но, астрологијата и љубовните врски се поврзани кога сакаме да ја пронајдеме таа компатибилност и да го откриеме карактерот на другата личност. Кога ги знаеме основните особини на одредени хороскопски знаци, тогаш можеме да имаме некаква идеја за тоа што сакаме и што треба да очекуваме. Познати ни се 4 групи хороскопски знаци: водени, земјени, огнени и воздушни и сите поединечно делат некои заеднички карактеристики.
Астролошка компатибилност
Кога се работи за компатибилноста, реба да ја гледаме поголема слика. Кога станува збор за пријателски однос или пократкотрајна врска, еден пар може да биде многу добар. Но, ако не се внимателни, во оној момент кога искрата ќе исчезне, тие ќе станат поопуштени и ќе ја изгубат забавата која ја очекуваат од врската. Знаејќи го тоа, партнерот ќе се обиде да пронајде компромис и разбирање.
Сепак, не постојат правила кои велат дека не треба да бидеме со спротивните знаци, бидејќи спротивностите можат да ги надополнат сите наши карактерни недостатоци. Сѐ што е потребно е трпение и желба да дознаеме нешто повеќе за личноста која сме ја избрале за партнер и да се обидеме да ги комбинираме меѓусебните разлики за да ја направиме врската уште поуспешна.
Спротивностите се привлекуваат
Многу луѓе се држат до нивните компатибилни знаци бидејќи така предложуваат и советуваат астролошките книги и истражувања. Но, возможно е да се има добра и функционална врска и кога се во прашање два спротивни знака, бидејќи и двајцата партнери ќе работат многу понапорно за да имаат што подобар однос и да ја задржат возбудата.
Со разбирањето на природата на хороскопскиот знак на нашите партнери можеме да ја вежбаме нашата толеранција и да поработиме на нашиот личен напредок. Но, ова бара и поголем напор и труд во одделот на комуникацијата.
Подлабоко истражување
На крајот од денот, не е сѐ до астрологијата, туку е до оние две личности кои одбиваат да се откажат од себе и од својата врска и нивната одлука секојдневно да го поминуваат времето со оние кои ги сакаат. Како што старееме сите посакуваме да имаме трајна и здрава врска, но, не можеме да зависиме само од нашиот најдобар пар.
Треба да научиме како да го извлечеме најдоброто од работите кои сакаме да ги задржиме со нас и покрај нас. За да го направиме тоа, понекогаш можеме да ја искористиме астрологијата како водич, но најмногу и најважно од сѐ, треба да го разбереме животот и да учиме од секоја личност која ќе ја запознаеме.
