Претходно
4-те хороскопски знаци со коишто некогаш е невозможно да се излезе на крај
Астрологијата не е егзактна наука, но понекогаш таа ни овозможува интересен увид во карактеристиките на нашите најблиски. Овој пат, ќе позборуваме малку за хороскопските знаци со коишто некогаш е навистина тешко да се излезе на крај. Сите ние имаме „чудни моменти“, но кога станува збор за овие знаци, тие буквално можат да ви се качат на глава!
1. Вага
Социјалните и секогаш расположени за дружење Ваги се склони на применување пасивна агресија со цел да ја постигнат својата цел. Тие сакаат да бидат доминантни, но поради ниската самодоверба, го одбираат полесниот пат за да стигнат до последната дестинација.
2. Рак
И покрај тоа што се навистина грижливи и емотивни, Раковите понекогаш имаат невозможни промени на расположението коишто се навистина тешки за трпење. Кога ќе ги нападне параноја, тие се склони на бес и тага, наизменично, што знае да биде многу напорно.
3. Риби
Рибите, како и Раковите, имаат исклучително променливо расположение. Доколку ги критикувате за нешто, вие ќе ги турнете во емоционален хаос и тие ќе почнат да се навредуваат дури и за најмалите ситници.
4. Овен
Нивната потреба за непрестајна доминација понекогаш знае да биде излудувачка. Ако не се во центарот на вниманието, тие се склони за драматизирање и манипулирање со цел повторно да го насочат вниманието кон себе.
Дознајте и кои се 3-те хороскопски знаци кои се недостапни кога станува збор за љубовта.
