Претходно
4-те хороскопски знаци кои не знаат да лажат
Кога се наоѓаме во ситуација да треба да излажеме за да се спасиме, некои луѓе го прават тоа како професионални актери, додека други никако не можат да го убедат соговорникот во нивната лага. На оваа особина големо влијание може да има и хороскопскиот знак. Па доколку припаѓате на некој од следниве 4, најверојатно лажењето не ви е најсилна страна.
1. Овен
Бидејќи се спонтани, Овните не ги подготвуваат зборовите што ќе ги кажат. Најчесто, тие го кажуваат она на коешто прво ќе помислат. Поради ова најчесто се искрени и кажуваат што навистина мислат и чувствуваат, без разлика дали тоа ќе го навреди или повреди соговорникот. Иако понекогаш им е криво за ова, и следниот пат кога ќе се најдат во ситуација која бара да лажат, сепак ја кажуваат вистината.
2. Бик
Биковите немаат проблем со лажењето, туку со мрзливоста. Односно, тие многу добро можат да го измамат нивниот соговорник, но едноставно немаат волја да смислуваат цела приказна, а потоа да се обидуваат да ја продадат. Можно е соговорникот да почне да им постапува прашања за детали, па тие да се збунат и да ја откријат вистината – нешто што често резултира со лутење. Од друга страна пак, доколку успеат да излажат некого, Биковите долго ќе чувствуваат грижа на совест, па на крајот самите ќе ја кажат вистината. Затоа најчесто ги избегнуваат овие ситуации.
3. Девица
Во природата на Девиците е да го кажуваат она што мислат дека другите заслужуваат да го знаат, па многу ретко лажат. Иако се искрени, критични и понекогаш се однесуваат како родители, сепак понекогаш и тие кажуваат по некоја лага. Доколку дојде до таква ситуација, тие мораат да се подготват и да ги разработат деталите, за да не бидат фатени. Исто така, воопшто не се чувствуваат добро или гордо бидејќи биле неискрени.
4. Стрелец
Стрелците сметаат дека ги следи среќата и ништо лошо нема да им се случи, дури и ако го навредат соговорникот. Навистина се директни кога разговараат со другите, а ја кажуваат вистината без разлика на тоа колку е непријатна или болна. Дури и кога лажат, што е навистина ретко, на Стрелците не им оди од рака, па брзо ги откриваат.
Дознајте и кои се хороскопските знаци коишто најмногу лажат.
