Претходно
4 хороскопски знаци што ќе имаат драматичен Ден на вљубените
Иако вие сакате да се воздржите од каква било драма, универзумот ќе предизвика изненадувачка напнатост на најромантичниот ден во годината. Хороскопските знаци што ќе бидат емотивно погодени од позицијата на Месечината обично не се наоѓаат среде драма, па нема да може да се справат со новонастанатата ситуација.
Добрата вест е дека овие хороскопски знаци сепак може да уживаат во Денот на вљубените ако внимателно ги испитаат сопствените чувства и ако одвојат време да разговараат со партнерот пред Месечината да ги инспирира да се нурнат во емотивната бездна. Погледнете кои хороскопски знаци ги очекува драма за Денот на вљубените.
Водолија
Фрустрациите на работното место може да создадат конфликт во вашиот личен живот бидејќи постои можност да ве натераат да останете на работа прекувремено. Наместо да се вознемирувате, обидете се да се фокусирате и да ги завршите задачите, но и малку да ги поместите плановите. Останувањето прекувремено на работа за да го завршите тоа што го работите ќе ви се исплати понатаму.
Бик
Биковите ги контролираат своите чувства прилично добро, но вашите емоции може да бидат засилени за Денот на вљубените. Тоа ќе предизвика да им се спротивставите на другите ако не ве третираат онака како што заслужувате. За да избегнете драма, обидете се веднаш да ги решите сите нерешени проблеми што ги имате со партнерот. Пронајдете мирен и јасен начин за комуникација додека сè уште можете да ги контролирате своите чувства.
Лав
Подгответе се за бура затоа што ќе бидете изгубени во вашите емоции, а тоа е навистина голем предизвик за вашата личност. На овој ден е најдобро да останете дома наместо да правите големи планови. Ако сакате да избегнете драма, поминете ја вечерта во мирна атмосфера без да чувствувате притисок дека треба да стигнете навреме или дека треба да внимавате да бидете постојано расположени затоа што сте во јавност.
Скорпија
Скорпиите ќе почувствуваат низа екстремни емоции на Денот на вљубените – ќе бидат расположени, а потоа нема да бидат расположени, ќе бидат премногу критички настроени кон себе, ќе бидат недоверливи и сл. Треба да бидете подготвени за интензивните емотивни предизвици. Сè додека сте искрени, можете да избегнете драма. Објаснете му на вашиот партнер што се случува со вас и обидете се да не се потпирате на моменталното расположение.
Прочитајте кои 8 работи (не) треба да ги правите за време на ретроградниот Меркур и на Денот на вљубените.
