Претходно
Вонземски летечки скулптури
Џенет Ечелман е американска артистка која креира несекојдневни летечки скулптури од мрежи, кои спонтано се движат низ воздухот и во вечерно време личат на некое летало од друга планета.
Таа била инспирирана да употребува мрежа во нејзините инсталации додека ги посетувала предавањата на Фулбрајтовата програма во Индија. Таму ги научила техниките на плетење мрежа од некој локален рибар од градот Махабалипурам во индиската држава Тамил Наду. Гледајќи го рибарот како ја врзува мрежата почнала да се запрашува дали таа може да воведе нов пристап во скулпторството, така што ќе создава големи во волумен скулптури, без да употребува цврсти и скапи материјали.
Во соработка со рибарот, на ова место таа ги инсталирала нејзините први мрежести скулптури, а серијата ја нарекла „Bellbottoms“ (панталони-ѕвонарки). Во последниве пет години, таа има направено голем број вакви инсталации во Португалија, Денвер, Сан Франциско, Феникс и Британска Колумбија.
———————————————————————————————————————————————————————
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
