Претходно
Волшебното Сино Езеро во Јапонија кое станува и зелено
Едноставно познато под името Сино Езеро, ова прекрасно вештачко езеро во градот Биеи на островот Хокаидо во Јапонија ја менува бојата пред очите на неговите посетители. Во зависност од тоа како паѓа светлината или како што вели јапонскиот фотограф Кент Шираши „во зависност од климатските услови“, сликовитото езеро може да варира од тиркизно сина, кон смарагдно зелена боја.
Во октомври и ноември оваа година, Шираши ги направил фотографииве кога езерото е зелено во придружба на дрвца покриени со снег.
Вештачкото езеро било направено како дел од систем за контрола на ерозијата, кој бил изграден за да се спречи настанок на штета во Биеи, во случај на ерупција на вулканот Токати. Сè уште не е во целост откриено зошто се појавува сината боја на езерото по која е познато, но се припишува на присуството на алуминиум хидроксид во водата, кој ја рефлектира сината светлина со пократка бранова должина исто како што тоа го прави атмосферата. Ова е место како создадено од бајките за љубителите на природата и фотографите.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
WOW WOW WOW