Претходно
Водени цртежи
Датум: 25 јун 2012
Коментари: 0
Suminagashi е стара јапонска техника на сликање на водена површина со цел да се создадат цртежи со мермерен ефект. Буквално значи лебдење на мастилото.
Уметниците кои ја користат оваа техника, употребуваат традиционални мастила или акрилни бои за да ги насликаат своите апстрактни цртежи, кои потоа ги пренесуваат на впивлив материјал, како платно или хартија.
Техниката е прилично евтина и едноставна, сè додека боите останат меѓусебно неизмешани. Од артистот бара мирна рака, и тоа и при нанесувањето на боите и при нивното целокупно пресликување на платното или хартијата, но важен е и стисокот кој треба да е во согласност со динамиката на течноста.
Suminagashi потекнува од Кина, од пред 2.000 години, но почнала да се практикува во Јапонија, почнувајќи од 12 век. Разликата помеѓу традиционалната техника и онаа која денес се практикува е во начинот на исцртување на формите. Сега се користат остри помагала, додека порано ова се правело со дување.
Девојките можеби веќе ја имаат пробано оваа техника за постигнување мермерен ефект на своите нокти.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
