Претходно
Вистински луѓе или восочни фигури?
Датум: 16 сеп 2011
Коментари: 0
Оваа фотосесија со пливачи е креирана од страна на уметникот Carole Feuerman од Менхетен. Интересното во овие фотографии е тоа што моделите кои ги гледате на нив, не се вистински луѓе, туку совршено извајани восочни фигури. Ви звучи неверојатно? Поверувајте!
50-годишната Керол поминува исцрпувачки 6 месеци над секоја скулптура, но нејзиниот макотрпен труд „де факто“ се исплати, со оглед на тоа што една скулптура ја продава по цена 250.000 фунти. Нејзините модели се толку реалистични и „живи“ што луѓето кога ќе ги погледнат, честопати не можат да препознаат дека тоа што го гледаат пред себе е восок, а не човек од крв и месо.
Колекцијата хиперреалистични скулптури опфаќа разнообразни женски и машки восочни модели облечени во костими за капење или бикини. Секоја скулптура е различна личност, со посебен идентитет и карактер, а капките кои се лизгаат по „кожата“ ја прават нивната реалистичност уште пореална.
.
„Моето студио може да ги изненади посетителите, бидејќи е секогаш пренатрупано со разни делови од човечкото (т.е. восочното) тело, поради што повеќето честопати малку се вознемируваат кога ќе влезат внатре.“ – вели Керол
.
„Додека создавам и бојам некоја скулптура, луѓето кога зборуваат за истата, ја употребуваат личната заменка „тоа“. Но, кога делото е завршено, луѓето потсвесно почнуваат да ги нарекуваат „тој“ или „таа“ – за мојата уметноста зборуваат како за вистински луѓе. Дури и оние луѓе кои работат со мене години наназад и се навикнати на мојата уметност, го прават истото.“ – додава таа
.
„Дизајнот на моите восочни скулптури ретко е вајан според телото на еден човек. Најчесто го користам лицето на еден човек, торзото од друг, а рацете и дланките од трет. Некои скулптури ги имам изработено од деловите на телата на 6 различни луѓе.“
За воопшто да го започне процесот на изработка на некоја скулптура, Керол најпрвин прави калап од делот од човечкото тело што ù е потребен, така што го премачкува со полиестерова смола и го облепува со газа. Кога смесата ќе се исуши ја одлепува од телото и калапот е готов. Откако ќе го создаде восочниот модел, таа внимателно го струга со шмиргла за да му ја направи кожата мазна како човековата. Потоа неколку седмици го прска моделот во стотици слоеви спреј во кожа-боја и му прикачува коса од природно влакно, за да му даде целосно реалистичен изглед.
.
„Мојата цел како уметник не е само да создадам реалистични модели. Не се обидувам да го правам она кое што го прават во Мадам Тисо и едноставно да создавам „живи“ скулптури. Мојата уметност раскажува приказна и јас сакам набљудувачите да бидат дел од неа и вистински да ја почувствуваат емоцијата која ја пренесува карактерот на секоја скулптура.“
Погледнете како изгледа процесот на изработка на восочно торзо, од ултразгодниот манекен Richard Nuzzolese. 🙂
———————————————————————————————————————————————————————
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
