Претходно
Видео кое ќе ве инспирира да прошетате низ Европа
Датум: 20 авг 2013
Коментари: 0
23-годишниот видеограф Лук Шепард неодамна објави неверојатно добро тајмлапс видео, за чија изработка заминал со неговиот пријател на едно епско патување. Служејќи се со 90-дневна Еурали карта, овие двајца прошетале низ 36 градови, во 21 европска држава, со цел да ги фотографираат најголемите европски архитектонски ремек-дела во денешницата. На крајот, Шепард имал направено 20.000 фотографии, од кои потоа селектирал дел, за да го направи фантастичното тајмлапс видео насловено „Nightvision“.
Овој проект ќе останел само желба, без поддржувачите на платформата за финансирање креативни проекти Kickstarter, кои му помогнале на Лук да собере 19.000 долари. Неговиот краен производ е видео со должина од 4 минути, во кое секоја секунда е сочинета од 25 фотографии.
Интересно е тоа што сите фотографии се направени навечер, при што совршено се истакнуваат контурите кои ги создал човекот, во овие восхитувачки европски ремек-дела. Истите прават да се почувствуваме инспирирано и желни за незаборавно патување низ Европа, нели?!
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
