Претходно
Уметнички раце во реклами за AT&T International
Можеби сте слушнале за Гуидо Данеле (Guido Daniele), уметник кој е познат по своите ексцентрични дела кои се најчесто насликани на раце или на други делови од човечкото тело. Тој има учествувано на многу соло и групни изложби уште од 1968, а сликите подолу се репрезентација на неговата последна работа, за рекламни цели. За потребите на AT&T International, Даниеле ги сликал рацете, така за да асоцираат на 27 различни земји од светот.
За него се вели дека ја има издигнато уметноста на следното ниво. Работел како хипер-реалистичен илустратор, соработувајќи со многу маркетинг и издавачки компании, иновирајќи со примената на распрскување и разни други техники на боење.
Тој има сликано сценски паноа големи до 400 метри квадратни, како и многу слики во приватни куќи и јавни згради со познатата техника „trompe l’oeil“ (француски израз за „измами го окото“ – уметничка техника која подразбира екстремно реалистични слики со цел да се создаде оптичка илузија дека претставениот објект е во 3 димензии).
Во 1990 година тој разви техника на боење на телото (body painting). Ваквите дела на Даниеле се користат во многу реклами, како и за разни модни случувања и изложби.
