Претходно
Уметнички цртежи со маркантен 3Д ефект
Датум: 13 мај 2013
Коментари: 0
Џастин Гефри е бивши готвач и сопственик на ресторан, кој во 2001 година решил да ја смени професијата и да стане артист, но не каков било. Неговата уметност всушност е толку уникатна, што успева да ги замати границите помеѓу сликарството и вајарството.
Служејќи се во главно со палета ножеви за сликање и огромен асортиман од акрилни бои, Гефри од Флорида, успева да создаде прекрасни 3Д ремек-дела, инспирирани од природниот свет околу него. Неговата техника на работа најлесно може да се опише како вајање со боја.
Совршено искомбинираните бои и разните нивоа слоеви боја, создаваат една длабочина и живост на неговите слики, кои на некој начин ги повикуваат набљудувачите да посегнат и да ги допрат. Работата на Гефри е широко признаена низ САД, а тој креира строго оригинални изработки кои ги продава во неговите галерии во Флорида.
Размачкувањето на дебелиот слој боја врз платното, можеби малку ќе ве потсети на мачкање фил врз торта. 
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
