„Старомодни“ портрети насликани со еден куп прашина

Потребен е навистина исклучително креативен ум, за да се смисли ваква техника на создавање слики во старомоден стил. Инвентивната артистка Алисон Кортсон ја создава својата работа, во најголем дел користејќи прашина како дел од приборот за сликање. Таа започнала да работи на нејзината серија наречена „Dust Paintings“ пред неколку години, а дури сега почнува да добива и признанија за нејзиниот уникатен уметнички пристап.

Големите цртежи на лосанџелешката артистка се создадени од неколку материјали, а се потребни прецизни чекори на работа, за да се изработат. Најпрвин, Алисон ја собира прашината од домовите на субјектите кои ги гледаме насликани во нејзините дела, која била акумулирана во нивните правосмукалки. Собирањето на потребната количина прашина може да потрае неколку месеци, бидејќи нејзините цртежи се многу масивни во големина (некои од нив се околу 170 см долги). Откако ќе го собере потребното количество прашина, Алисон ги црта субјектите на сликите употребувајќи акрилни бои, а потоа го пропрскува платното со прашина, која пак ја „манипулира“ со четка за сликање. Кога ќе заврши и со тоа, го премачкува уметничкото дело со акрилен премаз, за да се фиксира прашината.

Идејата која стои зад нејзиниот уникатен начин на сликање, е всушност многу интересна. Еве што вели таа за својата работа:

„Прашината го окупира просторот. Тоа не е органска материја која го збогатува или физички го менува просторот, туку настанува како резултат на интеракцијата помеѓу живите битија. Со сето ова кажано, не можам, а да престанам да мислам на еден случаен факт кој го имам прочитано и не ми излегува од глава: голем процент од насобраната прашина е настаната од паѓањето на мртвите клетки од нашата кожа. На еден ироничен начин, прашливата позадина на моите слики, всушност претставува составен дел од субјектите во нив.“

💗 Денес ви споделуваме рец

💗 Денес ви споделуваме рец

💗 Погледнете ги овие невер

📢 Денес ви споделуваме рец

Следете нѐ на Инстаграм