Претходно
Совршена за уживање: Медитеранска викендичка во природа
На шпанскиот остров Ибица, изградена е уникатна бетонска викендичка која претставува спој на медитеранската култура и природното опкружување.
Таа се карактеризира со интересна комбинација на материјали – бетон, кој е користен за главната структура и бамбус, кој ги формира завесите на прозорците и вратата со неправилна форма.
Куќата е инспирирана од шпанските и арапските културни наследства.
„За нас, дизајнирањето модерни градби значи воспоставување на еден дијалог помеѓу историјата и природата“, велат архитектите од италијанската компанија „Metroarea“, заслужни за впечатливиот дизајн на куќата.
Формата го следи природниот наклон на теренот и ги напушта вообичаените прави агли и стаклени елементи. За нејзината изградба избрани се едноставни материјали, со цел да се избегне популарниот луксузен изглед.
Централната зелена површина е опкружена со патеки и тераси на повеќе нивоа.
Планот на куќата се состои од три нивоа кои се поврзани со искривени скали, но раздвоени според посебни функции.
На едниот крај од приземјето се наоѓа апартман со спална соба, плакар и дневна соба, додека пак на другиот крај сместени се шест гостински соби. Надвор на ова ниво се наоѓа и главниот базен.
Широката дневна соба со 15-метарски широки лизгачки врати кои водат до другиот базен на отворено, се наоѓа на првиот кат, а тука се сместени и трпезарија, кујна, теретана и спа-центар.
На највисокото ниво има уште една дневна соба.
Погледнете уште интересни фотографии од оваа викендичка на наредната страница…
