Претходно
Романтична куќичка на дрво со џакузи
Дали како деца сте копнееле да имате ваша лична куќичка на дрво, која би претставувала ваше скривалиште и интимен простор во кој никој нема да ве вознемирува? Во денешно време да се дојде до една таква е многу лесно, доколку тоа сè уште го сакате и имате доволно пари. Француската компанија „Canopée Construction“ е специјализирана токму за изградба на куќички на дрво. Оваа што можете да ја погледнете на сликите е изградена изминатава зима, а се наоѓа на 50 километри северно од градот Тулуз, Франција.
Куќичката „Cabane & Spa“ е издигната 3,6 метри од земјата. На неа има огромна палуба со џакузи, тераса со панорамски поглед кон селската идила во нејзината околија, спална и бања со туш кабина. Истата може да биде изнајмена за цена од 145 евра (понеделник до четврток) до 165 евра (петок до недела) по ноќевање за двајца, а во цената е вклучен и појадок. Величествената куќичка е одлично место за романтично бегство со вашиот партнер.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Прекрасно вклопена дрвена куќичка во природните убавини во близината на Тулуз.
Благодарност за споделувањето на сликите и линкот!