Претходно
Романтичен хотел во Парга кој ќе ги разбуди вашите сетила
Датум: 07 јул 2013
Коментари: 0
Вгнезден покрај плажа крај кристално чистите сини води на Јонското Море и обиколен со маслинови и цитрусни дрва во заливот Лихнос, „Lichnos Beach“ е хотел со 4 ѕвезди, на петминутна оддалеченост со автомобил, од прекрасното грчко гратче Парга. Располага со сопствена плажа, базен, соби со поглед кон море и фасцинантни апартмани со џакузи и лежалка на балкон.
Собите се така декорирани, за да им понудат вистински одмор, комфор и луксуз на своите гости. Додека сонцето силно свети, гостите можат да уживаат во бесплатните лежалки и чадори, поставени крај базенот или на плажата.
Во „Feeling Restaurant“ кој е во склоп на хотелот, можете да ја вкусите медитеранската храна, подготвена од свежи состојки од градините на хотелот. Разни коктел-забави и перформанси во живо, се организираат во барот на плажа на хотелот.
Во овој хотел се добредојдени секаков вид гости. Од млади парови кои сакаат да уживаат во разни спортски активности во Јонското Море и да го почувствуваат пулсот на ноќниот живот во Парга, до фамилии и постари луѓе, кои сакаат да се разгалат во текот на луксузниот престој. Хотелот им ветува на своите гости незаборавен престој, поради непосредната близина на фантастичната природа и сите луксузни услуги.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
