Претходно
Прекрасни фотографии од Централ Парк во ноќта
Датум: 16 јун 2014
Коментари: 0
Навечер, Централ Парк е исполнет со тивка мистерија. Огромните дрвја со испреплетените гранки добиваат застрашувачки изглед, темните сенки го обвиткуваат целиот простор и самиот парк го освојува ретка мирност. Фотографот Мајкл Масаја се обидел да ги долови токму овие моменти во својата нова серија фотографии која е наречена „Длабоко во сонот – Централ Парк“.
Оваа моќна и магична серија вклучува црно-бели фотографии кои создаваат застрашувачка сензација од место кое вообичаено е исполнето со бои и живост. Прекрасна светлина ги издвојува природните објекти и оние направени од страна на човекот ширум целиот парк, додека пак во водата може да се види одразот помеѓу стварноста и фикцијата.
„Фотографирањето на паркот помеѓу 2 и 6 часот по полноќ беше мојот обид да го снимам градот во своите најзастрашувачки, најпусти и најосамени моменти“, објаснува Масаја.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
