Претходно
Поткровје за ергенски живот
Зарем има подобро место за живеење за еден млад самостоен човек од поткровје дизајнирано во современ минималистички стил? Овој одлично уреден простор е дело на архитектот Максим Жуков, којшто од малото поткровје направил функционално место за живеење кое во исто време изгледа прекрасно.
За да го направи просторот пофункционален, Жуков одбрал мебел со помали димензии кој изгледа недовршено и рапаво, баш како во поткровјето да живее маж. Ѕидовите ги оставил сиви, а целиот простор изобилува со челични елементи и сообраќајни знаци. Еден од најинтересните детали е импровизираното лебдечко биро поставено веднаш над креветот, а до кое се стигнува преку метални скалила закачени на ѕидот.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
