Претходно
Поглед низ прозорец вреден 18 милиони долари
Датум: 25 апр 2013
Коментари: 0
Некогашната исконска кула со часовник во Бруклин според која старите жители на Њујорк си ги местеле рачните часовници, денес е претворена во ултрамодерно поткровје вредно 18 милиони американски долари, со спектакуларен поглед кон Менхетен. Поранешната фабрика за картон, била оригинално изградена во 1915 година и во нејзиниот состав ја имало и оваа убава кула со часовници.
Трикатната куќа се протега на површина од 632 метри квадратни, во која има 3 спални, 3 тоалети, приватен лифт, како и прекрасна тераса на кров со поглед кон небото. Но, она што е најспектакуларно во овој дом се легендарните часовници на секоја од четирите страни од апартманот, високи 4,2 метри. Висината на таванот се движи од 4,8 до 15,2 метри.
Креатор на овој апартман е Дејвид Валентас, а истиот доаѓа комплетно опремен. Имотот во 2009 година чинел 25 милиони долари, но останал непродаден на пазарот. Тоа и не е некој шок бидејќи доколку имало купувач, тој би го купил најскапиот имот што некогаш се продал во Бруклин. Во 2011 цената паднала на 23,5 милиони и била понудена месечна рента од 50.000 долари. Во 2012 цената повторно опаднала на 19 милиони долари, но повторно не биле најдени потенцијални купувачи.
Но, оваа година компанија за недвижен имот Коркоран го купиле апартманот за 18 милиони долари, па доколку некој од вас е заинтересиран, може директно да ги контактира за купување. 🙂
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
