Претходно
Откачена свадбена фотографија која вечно ќе се памти
Датум: 04 јун 2013
Коментари: 0
Доколку некој планира да прави свадба наскоро, треба да го погледне овој многу смешен концепт на фотографот Квин Милер. Забавната фотографија се состои од свадбена прослава, на која гостите и младоженците врискаат и умират од страв, бегајќи од џиновскиот диносаурус кој им е зад пети. Крајниот резултат е дефинитивно уникатна фотографија, која вечно ќе ги засмева сите гости кои биле присутни на забавата.
Милер, свадбен фотограф од Луизијана, решил да ја испроба оваа негова идеја на невестата Кејт Јанг и младоженецот Џејмс Лаудер, бидејќи Лаудер обожава диносауруси. Кога ќе се загледате одблизу, сечија експресија на лицето е апсолутно бесценета. На Милер му се посреќило овој негов експеримент да го направи со помош на одлична група учесници, кои испаднало дека можат да бидат и одлични актери пред фотоапаратот.
Фотографот вели: „Тие се толку забавен пар и имаа толку интересна свадба, така што сѐ што јас требаше да направам, е да им кажам да бегаат од невидливиот диносаурус. И тие го направија тоа. Фотографијата ја добивме од прв обид, а целиот процес траеше максимум 2 минути“.
Одлична идеја за оние идни младоженци кои сакаат на својата свадба да покажат дека планираат вечно да го сочуваат својот млад дух, нели!? 🙂
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
