Претходно
Њујорк во досега невидено светло
Затемнувањата кои ги предизвика супер бурата Сенди му овозможи на фотографот Ренди Скот Славин да создаде серија од фотографии кои тој ги нарекол „NYC Unplugged“ каде што Менхетен е целосно во темнина. Тој излегол на улиците во раните часови на 31 октомври 2012 година за да може да ја долови мистериозната атмосфера на Големото јаболко во период кога сите светла биле изгасени. Ренди го поставил својот Никон D800 со 14-24 милиметарски леќи на триногалка и употребувал експозиции помеѓу 30 секунди и 1 минута за да го добие посакуваниот ефект.
„Вечерта откако ураганот Сенди помина преку Њујорк, во центарот на градот имаше прекин на електричната енергија и тој беше целосно темен. Тоа ме натера да излезам на мистериозно темните улици и да го покажам Њујорк во досега невидено светло,“ вели Ренди.
„Овие фотографии се направени помеѓу полноќ и 3 часот, утрото на Денот на вештерките. Имаше премногу малку луѓе, а улиците изгледаа напуштено и премногу чудно мирни,“ вели тој.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
