Претходно
Њујорк каков што не сте го виделе досега
Датум: 20 окт 2011
Тагови: Њујорк, величествено, височина, метропола, мост, облакодери, фотоапарат, фотографии, хелихоптер
Еван Џозеф успева да ја прикаже оваа блескава метропола, од една поинаква перспектива. Неговите величествени фотографии, се направени во ноќно време, од хеликоптер кој лета 762 метри над земјата. Од небесните височини тој ги фотографира убавините на градот одозгора, додека лета во воздух и фотоапаратот му се тресе во рацете. Со оглед на прецизноста и чистотата на неговите фотографии, може да се заклучи дека тој е тотално посветен и трпелив во својата работа.
Оние среќници кои ќе бидат во Њујорк оваа есен, ќе имаат можност да ја видат неговата маестрална колекција фотографии одблизу, во огромен формат, во галеријата „Тачи“, на 27 октомври.
На изложбата насловена „Evan Joseph at Night“ (Еван Џозеф во ноќта) ќе биде прикажан градот од сосема поинакви, до сега невидени перспективи, како и популарните знаменитости кои го одбележуваат, Емпаер Стејт Билдинг, Статуата на Слободата, центарот Рокфелер и Тајм Сквер. Погледнете ги драматично осветлените облакодери, мостовите кои треперат, неонските светла и жолтите такси возила кои јурат по авенијата Бродвеј. Волшебно, зарем не?!
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Wow! Постои совршенство, знам јас! Само уште луѓето да си дозволат самите на себе да бидат совршени, т.е. совршено несовршени 😉
Прекрасни фотографии! Но, не би рекол дека фотоапаратот „му се тресе“ во рацете, бидејќи во тој случај не е можно да испаднат толку чисти и фокусирани фотографиите и ќе требаше сами да ги составуваме овие прекрасни урбани пејсажи. 🙂