Претходно
Неверојатни замоци нацртани на зрно песок
Датум: 01 апр 2014
Коментари: 0
Кога размислуваме за песочни замоци, прво нешто што на сите ни паѓа на памет се замоци изградени од многу зрна песок. Но, за артистот Вик Муњиз и артистот-истражувач Марчело Коељо, значи нешто сосема спротивно. Тие успеале на само едно мало зрно песок да нацртаат еден цел замок. Им требало 4 години за да го усовршат овој процес и мора да признаеме дека крајните резултати се исклучителни. Овие детални слики (зголемени како фотографии) се нешто помалку од еден милиметар во должина.
Преку низа од обиди и грешки, тие користеле комбинација од техники од 19-от век и од денешната модерна технологија. Муњиз прво ги создавал нацртите од замоците со помош на камерата „lucida“, оптичка направа која била создадена во 1807 година. Таа се потпира врз призма која проектира рефлексија од она што се наоѓа пред вас на хартија. Откако ќе ги заврши цртежите, тој му ги праќа на Коељо кој ги гравира на зрното песок со помош на „Focused Ion Beam“, машина која е способна за создавање линии кои се само 50 нанометри широки. Погледнете ја нивната фасцинантна работа…
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
