Претходно
Неверојатни мурали што светат во темно
Унгарската уметница Боги Фабијан користи УВ-боја што самата ја направила, за да создава неверојатни мурали кои оживуваат навечер. Во текот на денот ѕидовите изгледаат најобично, но штом ќе ја исклучите светилката, делата на Боги почнуваат магично да светат.
Нејзините дела осветлуваат цели простории и ги претвораат и најобичните места во спектакуларни космички светови со галаксии, ѕвезди и облаци од прашина и гас.
Муралите ја менуваат својата боја во зависност од тоа дали се гледаат со природна темнина или со УВ-светилка.
„Се обидувам да создадам атмосфера како од сон. Ги фарбам ѕидовите и подовите и ја осветлувам мојата уметност со и без извор на енергија за да може оној што ја гледа да ужива во сите нејзини аспекти. Мојата цел е да создадам уникатни простори и соби и да им дадам идентитет и душа, каде што релаксирањето и живеењето стануваат искуство.“
Освен муралите, Боги прави и слики користејќи ги истите бои. Од осветлена месечина, до неверојатно небо, секое дело направено на платно ја менува бојата во зависност од изворот на светлина.
Погледнете ги и овие креативни полици за книги кои веднаш ќе ги посакате во вашиот дом.
