Претходно
Неверојатни фотографии од замрзнати балончиња од сапуница
Фотографката Анџела Кели од Вашингтон ги искористила ниските временски температури на еден малку поинаков начин. Таа заедно со својот син едно утро решила да излезе надвор за да дуваат балончиња од сапуница. Она што се случило ги оставило и двајцата без зборови. Балончињата почнале магично да се кристализираат пред нивните очи и токму на овој начин настанала идејата за колекцијата од фотографии со име „Замрзнато во балонче“.
Некои од помалите балончиња се замрзнувале уште додека биле во воздух и потоа паѓале на земја, кршејќи се од ударот, додека пак други успевале да ја одржат својата форма, и откако ќе се спуштат на земја целосно се претворале во ледени кристали.
„Дувавме балончиња врз замрзнатата маса во нашиот двор како и на кровот од мојот автомобил и потоа гледавме вчудовидено како секое од нив се замрзнува и формира свои уникатни шаблони. Забележавме дека тие целосно смрзнуваа пред сонцето да изгрее, но откако тоа ќе се појаваше тие се одмрзнуваа или само на врвот или целосно. Исто така забележавме и дека дел од нив почнуваа да се издишуваат или да пукаат во себе и на тој начин врз нив се формираа вонземски форми. Во некои случаи тие целосно се кршеа.“
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
