Претходно
Неверојатна „улична“ уметност
Датум: 11 ное 2010
Коментари: 0
Канаѓанецот Питер Гибсон познат како Roadsworth, од 2001 година започнал да црта по улиците на неговиот роден град Монтреал. Неговата првична замисла била да покрене иницијатива да се направат патеки за велосипеди по улиците и воопшто да го покаже својот протест против општата „возачка култура“ во градот.
Неговите дела, кои доаѓаат како надополнување или изменување на нацртаните сообраќајни знаци, изработени во уникатен стил со претходно направени шаблони, добиле голем публицитет.
Сепак тоа не поминало незабележано од полицијата, па така тој заработил 53 казни. На крајот, поради големата поддршка од јавноста, и покрај можните високи парични надоместоци и дебелото досие, Питер поминал со многу мала казна. До ден денеска тој продолжува да се бави со уметност и активизам.
