Претходно
Необични љубовни картички со голема доза хумор и креативност
Датум: 11 авг 2014
Коментари: 0
На времето, сега веќе пред многу години, луѓето си пишуваа љубовни писма, си испраќаа разгледници и шетаа на корзо држејќи се за раце како тоа да е најзабавното нешто во светот. Романтиката им беше на дофат на сите кои сакаа да испружат рака. Денес, кога технологијата е насекаде околу нас и со нас, тоа е малку потешко. Па додека малку по малку, луѓето сѐ повеќе се гледаат на интернет наместо во живо, си испраќаат пораки наместо бакнежи и романтичните гестови стануваат смешни, има и такви кои не се предаваат и не се откажуваат од старата добра романтика и уникатните начини на изразување љубов. Сето тоа помешано со мала доза креативност и големо количество хумор дава неверојатни резултати.
Среќен роденден. Исто така, добар задник.
Бидејќи нема девојка на планетава која не би се израдувала на убава и интересна љубовна порака и нема момче кое не би се насмеало на забавна и креативна изјава на љубов, уметници низ целиот свет секојдневно ги реализираат своите идеи и замисли и ги споделуваат на интернет мрежите. Вака практично споени, технологијата и неконвенционалниот пристап создаваат прекрасни можности да ѝ изразите љубов на саканата личност.
