Претходно
Најубавиот воден центар во светот
Датум: 21 дек 2010
Водениот центар Les Bains Des Docks (Бања покрај пристаништата) е прекрасно место за пливање и релаксација, кое се наоѓа во францускиот град Авр. Дизајниран е од страна на Жан Нувел за кој инспирација биле класичните римски бањи.
Овој неверојатен центар претставува спој од внатрешен и надворешен простор кој го исполнуваат базени, сауни, водопади и соби со пареа кои посетителите ги маѓепсуваат со природните убавини на водата. 
Дизајнот е чист, смирувачки и геометриски кој го карактеризираат правоаголни форми кои создаваат вдлабнатини и испакнатини. Архитектонското решение се базира на неутралност на боите во просторот во кој водата и телата во неа создаваат органска поврзаност. Од ова отстапува шарениот и живописен дел наменет за децата. 
Les Bains Des Docks не е ексклузивно место, отворено е за јавноста. Влезот чини 5 евра по човек, без специјалните попусти. Ако некогаш сте макар на поминување во Авр, вреди да го посетите ова место и да ги споделите своите доживувања со нас кога ќе се вратите. Во меѓувреме, сите можеме и оддалеку да се воодушевуваме на убавината на дел од природата доведен во идеален баланс со архитектурата.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
nisto posebno…..mislev kojznae sto e..:S