Претходно
Младост, лудост и романтики
Датум: 05 авг 2011
Коментари: 0
Фотографот Крис Крејмер, кој е роден во Лондон, неодамна ја објави неговата фото-книга насловена „Romance“ (Романтика). Крис сакал неговата фото-книга да биде „емоционална во основата, а не интелектуална или водена според модните трендови“. 
„Романтиката за мене претставува совршено возило, со кое можам да направам фотографии кои во себе носат голем број емоции… Сакав да се обидам да направам слики кои ќе бидат да речеме секси, интересни, весели, но да бидат истовремено и моќни и да имаат душа.“
Крис со фотоапаратот успева да ги „улови“ специјалните, неконтролирани емоции и искрените љубовни моменти помеѓу двајца партнери, повикувајќи се на љубовните парови од реалниот живот, кои имаат силно чувство за личен стил и индивидуалност. Нивната љубов блеска во секоја посебна фотографија, пресликувајќи го модерниот љубовен живот на младите во овој век.
„Романтика“ ја има на продажба онлајн. За 50 американски долари, во вашиот дом ќе имате книга, која вечно ќе ве потсетува на младоста, љубовните врски, авантурите, сексуалните искуства, лудориите со партнерот, љубомората, спокојството…
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
