Претходно
Луксузни порцелански јајца
Датум: 24 апр 2011
Коментари: 0
Германскиот дизајнер и изработувач на накит Питер Небенгаус прави рачни изработки од порцелан. Карактеристичен белег на неговата феноменална работа, е комбинацијата од порцелан и накит.
Уникатните луксузни јајца кои тој ги изработува, се направени од најдобриот европски порцелан, а во себе носат белези од модерната и античката уметност.
Тие се создадени со специјална техника на комбинирање злато и платина. Миксот од сјајна и мат подлога на јајцето, овозможува да се постигне специјален ефект на зголемен волумен.
Маестралните дела на Питер Небенгаус се обложени со рубини, сафири, смарагди и дијаманти, па и нивната цена кореспондира со вредноста на скапоцените камења. Златното јајце се продава за 20.400 долари, а порцеланското обложено со кристали од Сваровски се продава за 7.000 долари.
Доколку сте љубители на гламурот и удобноста, можеби би ви се допаднал гламурозниот мебел со кристали од Сваровски од германскиот производител Bretz.
