Претходно
Луксузна куќа на плажа за 100% релаксација
Датум: 08 фев 2011
Оваа луксузна, фантастично дизајнирана, софистицирана куќа на плажа, е во сопственост на едно израелско семејство кое живее во странство, а престојува во неа кога доаѓа во посета на матичната земја.
Фасцинантната модерна куќа која е целосно отворена кон тропската медитеранска плажа, е изградена од страна на архитектонската компанија Pitsou Kedem.
Кога семејството и нивните гости пристигнуваат во релаксирачката куќа на плажа, прозорите кои се простираат од таванот до подот, ги повлекуваат сосема до ѕидот, што му дава на овој дом еден „отворен стил“, свежина и ведрина, која доаѓа од средоземното море.
На само неколку чекори од морето, навистина е тешко да се најде подобро место на израелскиот брег од ова дизајнерско совршенство, во кое ќе отпатуваат сите ваши мисли и грижи некаде далеку.
Убавината на ова парче уметност е токму во нејзината пространост и удобност. Ако израелското семејство преферира приватност и капење само со најблиските, може да ужива во луксузниот базен, на кој особен „шмек“ му даваат дрвените патеки.
Ентериерот е светол и свеж, со модерен мебел, а самиот простор е јасно поделен на „забавен“ и „приватен“ дел. Помеѓу дворот и внатрешниот дел нема некоја строга граница, благодарение на „стаклените ѕидови“, кои во зависност од желбата на сопствениците можат да бидат отворени, затворени или покриени со ролетни.
Совршено место за бегање од секојдневието и обновување на вашата душа, нели?
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
A FAKING LADOVA4A
izvinete, ama sto relaksacija ke bi bilo toa?? kukjava e prazna, temna, monotona, demek nesto luksuzi, ama sepak, skapo ne e sekogas i vistinsko… YOU GIVE LUXURY A BAD NAME!