Претходно
Ламби кои прават забавни сенки на ѕидот
Колку од вас кога биле мали си играле со рацете или разни предмети за да создадете интересна сенка на ѕидовите? Луѓето им се восхитуваат на сенките, особено оние кои се занимаваат со фотографија, бидејќи секогаш мораат да следат под кој агол паѓа светлината и каде ќе се создаде сенка.
Дизајнерите Микаел Росинг и Денис Тиз решиле да ги искористат светлината и сенката, кога ги правеле овие фантастични подни ламби кои ги нарекле „Shining Image “. Овие ламби всушност претставуваат дводимензионални скулптури и кога светлото кое е насочено кон нив е вклучено, се создава интересна сенка на ѕидот.
Убавината кај овие ламби е нивниот минималистички дизајн и тоа што се достапни во разни варијанти, од кои можете да си ја одберете онаа која ви е вам најзабавна. Па, без разлика дали барате нешто прекрасно или оригинално, овие ламби со сигурност ќе ви изнудат насмевка на вашето лице кога ќе го запалите светлото. Нивната цена се движи од 189 евра па нагоре, а можете да ги купите онлајн на Absolut Lighting.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
