Претходно
Кружна уметничка експлозија од бои
Датум: 03 апр 2013
Коментари: 0
Креативноста на некои уметници ширум светот, едноставно не познава граници. Фабијан Офнер е еден исклучителен фотограф од Цирих, кој нѐ инспирира да напишеме трета содржина за неговата добро сработена работа. Покрај неговите неверојатни колоритни течни мозаици и блиската средба со меури од сапуница, овој пат тој нѐ изненади со новата фотосерија т.н. „Црна дупка“ (Black Hole). 
За секоја фотографија тој става акрилни бои на метална шипка која е поврзана со бормашина. Кога ќе ја вклучи дупчалката, бојата инстантно одлетува од центарот на шипката, а во тоа минијатурно делче од секунда, Офнер го документира спектакуларното спирално распрснување на боите, со неговиот фотоапарат.
Распрскувањето на бојата се случува премногу брзо, за да изгледа воопшто возможно да се фотографира тој момент, но Офнер го усовршил тајмингот. Тој на бормашината поставил сензор, кој испраќа импулс до блицевите.
Со помош на овој сензор може да се направат фотографии со брзина од 1/40.000-ти дел од секунда, смрзнувајќи го движењето на бојата околу бормашината. 
Погледнете го видеото, за да го видите овој интересен артистички процес на работа.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
