Претходно
Креативно забавни животинки направени од храна
Датум: 20 мар 2013
Коментари: 0
Бразилската фотографка Ванеса Дуалиб, има талент за едно поинакво доживување на храната којашто секојдневно ја консумираме. Во нејзиниот проект „Brincando Com a Comida“ (Играње со храна), таа претвора разни зеленчуци како компири и мешунки од грашок, во забавни креации со животински облик.
Дуалиб има елан за живот и таа вели дека нејзиниот проект претставува оддавање почит кон нејзините три омилени работи: животот, храната и фотографијата.
Комбинацијата од нејзината креативна визија, остро око и едноставна резбарска техника, дефинитивно ќе донесе насмевка на вашите лица.
Фотографката дури им дава и имиња на нејзините „животинки“. Па така, компировиот диносаурус се вика Apotatosaurus Dulcis, малиновата оса Waspberry, а осумножниот октопод Potatoctapus. На сите фотографии гледаме интелигентни скулптури, кои нѐ носат на кратко авантуристичко патување во веселата имагинација на Ванеса.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
