Претходно
Креативно изразување на зборовите преку слики
Пред дваесет години корејскиот уметник Џи Ли на факултет добил задача од зборовите да направи слики и на тој начин да го покаже неговото значење. Задачата била тешка и барала многу труд и размислување, но токму таа го определила неговиот животен пат и го направила славен. Тогаш младиот суперкреативен студент од зборовите успеал да направи слики од кои самиот бил воодушевен, по што продолжил да истражува каква слика може да направи од одреден збор.
Џи Ли има издадено книга во која се собрани сите вакви дела, а содржи речиси 100 зборови.
„Секој може од збор да направи слика. Тоа не бара никакви дизајнерски или уметнички вештини. Потребно е само малку креативно размислување за зборовите и буквите да се видат на поинаков начин. Речниците се полни со илјадници визуелни сложувалки кои чекаат да бидат решени“, вели тој.
Џи Ли денес работи во креативниот оддел на Фејсбук, а порано работел и за Гугл.
