Претходно
Колоритни стаклени масички за тренди дом
Датум: 13 јул 2011
Коментари: 0
Бар-масичките сè повеќе стануваат интересен составен дел од внатрешното уредување на домовите. Тие не се нешто многу практични и немаат голема примена, но затоа со сигурност ќе ѝ дадат специфичен стил и тренди изглед на вашата дневна соба. Токму затоа, изборот на бар-масичка треба да биде модерен и привлечен за око.
Стаклените масички изработени од страна на „Х-студио“ се токму такви и се создадени за да го декорираат и збогатат секој простор, со „фенси“ нота.
Овие четири фантастични масички, просто шармираат со нивната колоритност и уникатен дизајн.
Оригиналните стаклени столбови, ги претвораат овие бар-масички, во совршени уметнички дела.
Секоја од нив е достапна за купување во различни бои по избор. Благодарение на тоа, купувачите можат да си ја одберат вистинската солуција според боите на нивниот ентериер, за да го направат домот уникатен и персонализиран.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
