Претходно
Како изгледаат топчињата за голф во внатрешноста?
Топчињата за голф изгледаат генерално исто однадвор, бела структурна површина со малечко лого. Но, дали некогаш сте се запрашале од каков материјал е направена внатрешноста?
Чисто од љубопитност, фотографот Џејмс Фридман од Охајо, решил да пресече едно топче на половина и бил изненаден од тоа што го пронашол. Откако пресекол околу 20 различни топчиња, Фридман открил дека внатрешноста на секое топче е уникатна. Како резултат на таквото откритие, тој започнал да го документира со неговиот фотоапарат интригантниот свет од силни бои и кружни шари.
Од таквите фотографии настанал и неговиот проект т.н. „Внатрешен дизајн“ (Interior Design), кој го прикажува внатрешниот дизајн на голф топчињата, презентирајќи ги како засебен ентитет, но и како дел од интерактивен, апстрактен дизајн. Набљудувачите набрзо ќе се изгубат во колоритните, визуелни шаблони и ќе заборават дека топчињата некогаш служеле како дел од спортска опрема.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
