Како дезенот на шаховската табла стана најпопуларен тренд во дизајнот на ентериер?

Датум: 14 фев 2021

ВКУПНО:22
Share22
Send0
Tweet0
Pin0
Love0

Не е тајна дека откако ја погледнавме серијата „Тhe Queen’s Gambit“ станавме опседнати со шахот и сè што е поврзано со тоа. Така, дезенот на шаховска табла најпрво го преплави уличниот стил ширум светот, а потоа стигна и до полето на архитектурата и ентериерот.

На Инстаграм можевме да забележиме дека секој инфлуенсер има барем едно парче украсено со овој дезен, или во други црно-бели комбинации. Иако носи ретро атмосфера, во комбинација со минималистички простор може да изгледа многу модерно. Од теписи, килими, перници, па сè до плочки или тапети во бањата, можете да играте бесконечно со дезенот на шаховската табла. Бидете креативни и поставете го така што ќе биде во фокусот кога влегувате во собата. Исто така, избегнувајте да го комбинирате со други силни дезени, за да не предизвикате контраефект.