Претходно
Како да ја уредите собата за вашето бебе во тропски стил?
Ако сè уште не сте ја украсиле просторијата за вашето бебе, овие два вида декор може да ви помогнат во тоа. Првата тема е тропска, а втората е во џунгла стил. Двете се многу популарни во последно време и со нив можете да создадете забавна просторија за вашите најмили.
Ако сте одбрале стил, палетата на бои е очигледна. Тропските сцени се весели, светли и игриви. Во нив доминираат бои како зелена и жолта боја и кафени тонови. Вашиот избор во овој случај може да биде неутрална позадина со мебел и играчки во впечатливи бои или весел тапет на ѕидот во комбинација со едноставен мебел и детали. Пригушените тонови, па дури и црно-белите комбинации се совршени за тропскиот декор.
Мебелот од ратан изгледа фантастично во вакво опкружување. Но, ако не се вклопува во вашиот модерен или минималистички концепт, секогаш можете да се придржувате до основните тонови како што се белата и бојата на светло дрво. Ѕидовите се соодветни за уметничко изразување и за претворање на едноставниот простор во прекрасен тропски остров или во џунгла. Големите лисја, меките кадифени играчки, завесите и тепихот со тропски принт ќе создадат прекрасна атмосфера. Забавувајте се додека ја уредувате собата на вашето бебе затоа што сигурно ќе му биде забавно да игра во неа додека расте.
Погледнете како да ја уредите вашата градина во весел медитерански стил.
