Претходно
Интелигентен систем за осветлување кој нема никого да разбуди
Датум: 04 јан 2014
Коментари: 0
Кога Флеминг Виктор Андерсен, сопственикот на компанијата за снабдување со опрема за осветлување e3light, сакал целосно да го реновира својот дом имал намера во него да ја вгради последната технологија поврзана со осветлувањето. Меѓутоа, забележал дека дури и најсовремените решенија бараат премногу време, па затоа решил да создаде нешто ново кое ќе одговара на неговите желби и потреби.
Неговата компанија веднаш почнала со развивање на систем за ноќно осветлување кое комбинира сензори за движење и ЛЕД светилки. Ова светло автоматски се вклучува кога сензорите ќе регистрираат некакво движење во просторијата. Системот е идеален за ситуациите во кои некој сака ноќе да оди во тоалетот или во кујната, а притоа да не го разбуди својот партнер, или за родителите кои влегуваат во собата на своите мали деца за да проверат дали спијат мирно без да ризикуваат да ги разбудат. Покрај тоа, развиле и систем за осветлување на плакарот.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
