Претходно
Фотографии од соништата – моќна фотообработка во надреалистичен стил
Датум: 18 ное 2013
Коментари: 0
Многумина ја презираат улогата на Фотошоп во дигиталната фотографија, но постојат и такви кои сметаат дека со негова помош, фотографирањето стана отворено за нови луѓе и нови идеи. Карас Јонат е фотограф и дигитален уметник од Романија, кој многу придонесува за дигиталната уметност и фотографија воопшто. Има огромно портфолио, исполнето со убави, магични, со еден збор – нестварни фотографии.
Тој вели дека најголема инспирација за работата му се соништата, есента и зимските денови. Иако позитивните соништа сочинуваат голем дел од неговата работа, Јонат исто така вели дека сака „да ја посети и потемната страна на она што луѓето го гледаат во соништата, која не мора да е негативна, туку можеби некој сон кој тие не можат сосема да го разберат или кој направил да се чувствуваат осамено.“
Јонат е одличен во доловувањето на мечтателниот тон во неговите фотографии. Комбинацијата на замаглени и нежни бои со често нереални субјекти, создава една убава крајна композиција, која ве носи во други светови.
