Претходно
Фотографии на кои плажите се претворени во апстрактна уметност
Датум: 13 сеп 2014
Коментари: 0
„Aerial Views Adria“ е колекција од разнобојни фотографии направени од песочните брегови во Европа, кои ги трансформираат плажите во апстрактна уметност. Од многу голема височина, германскиот фотограф Бернард Ланг документирал бескрајни редови од чадори и лежалки на плажите во Италија. Преку неговиот објектив, тој успеал да ја сними симетричноста на малите разнобојни чадори, нивните силни сенки, удобните лежалки и големиот број посетители кои уживаат во летото.
„Пораката која сакам да ја пренесам е да го покажам влијанието на луѓето врз природната околина“, објаснува Ланг. „Од друга страна пак, погледот од високо ни открива дека ние сме само мали суштества, кои не се толку важни колку што мислат дека се.“
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
