Претходно
Елегантна бела куќа во Шпанија
Во текот на последниве неколку години, шпанската архитектонска фирма A-cero изгради добра репутација со нејзините впечатливи, смели и модерни дизајни. Оваа куќа, изградена во Кадис, Шпанија, исто така, претставува еден блескав пример од оваа компанија.
Распослана на површина од 400 метри квадратни, во оваа бетонска куќа, доминира белата боја, што ѝ дава една свежина и чистота, поради што најверојатно ќе им биде омилена на педантните луѓе.
Двокатната куќа во Шпанија има елегантен базен во дворот, кој е изработен така да изгледа како да се губи во просторот и фантастична тераса на кров, која е совршено место за организирање домашни забави или за удобно безделничење во мрзливите топли денови.
Во внатрешниот дел, гостите можат да се релаксираат во огромниот простор за живеење, во засебната телевизиска соба, дневната соба или во комплетно опремената кујна. Нагоре по скалите, се наоѓаат огромни и раскошни спални соби, кои имаат сопствен тоалет.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
