Претходно
Друга димензија на голото тело
На прв поглед, сè што гледате на фотографииве е заљубен пар на клупа, човек што си лови рипки итн., но ако подобро се загледате, ќе забележите неправилни облици, влакна и набрана кожа, бидејќи во суштина се работи за една необична инсталација на минијатурни фигури врз голи фотомодели.
Самоукиот фотограф Ален Тегер (63), кој е бивш професор по психологија на Универзитетот Пенсилванија, го нарекол овој негов проект „Bodyscapes“, (кованица од англиските зборови body-тело и landscape-пејзаж), а неговата идеја била да ја испровоцира човековата перцепција и да покаже дека истовремено може да постојат повеќе реалности.
„Намерата ми беше да создадам слики кои на прв поглед ќе се доживуваат како пејзажи, но ако повеќе се задлабочите, да откриете дека станува збор за голо тело“.
„Со месеци го смислував концептот, но користев стари методи, без трикови со компјутери. Денес, кога уметноста многу често е резултат на компјутерски манипулации, се надевам дека луѓето ќе знаат да ја ценат и идентификуваат мојата работа како поинаква“.
„Bodyscapes произлезе во моментот кога почнав да чувствувам дека традиционалната академска психологија не ги адресира вистински проблемите на нашето внатрешно патување, односно на начинот на кој го гледаме светот“.
„Фотографиите можат да се гледаат на два начина, како пејзажи или како тела. И покрај тоа што се различни, двете перцепции се исправни во исто време. Универзумот ги повторува своите облици, телото личи на планина.“
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
hahaha, interesno 🙂
навистина се прекрасни