Претходно
Декоративни детали што секоја тренди девојка ги има во својата соба
Девојката не е модерна и во тренд само ако знае убаво да се облече и да ги одбере совршените аксесоари. Тука е вклучен целиот нејзин начин на живеење, односно стилот на живеење во тренд. Тоа значи дека и нејзиното однесување, како и нејзиниот дом и сето она што ја опкружува всушност е во чекор со времето! Па, доколку сакате да станете таква тренди девојка, најпрво треба да почнете од вашата околина, па затоа денес за вас издвоивме неколку детали кои најмодерните девојки ги имаат во своите домови и со кои го разубавуваат ентериерот онаму каде што живеат.
1. Кај овие девојки собите се секогаш фино уредени, сѐ е убаво наместено и на своето место, без неред и некаков хаос. Меѓутоа, она што секогаш ќе се забележи во нивните простории, најчесто на креветот или на софата е меко, убаво ќебе кое е фрлено преку еден дел, така што дава еден навистина луксузен изглед.
2. Не само убавото, меко ќебе, туку и перниците со различни големини и дезени кои го украсуваат не само креветот, туку и целата просторија. Иако мали, тие функционираат како совршени детали кои кога ќе се наредат едни до други, даваат префинетост на целата просторија.
3. Еден детаљ е скоро секогаш присутен на нивните ноќни масички, комоди или масички за шминкање, а тоа се стаклените послужавници. Да, но на нив не стојат чаши за вода, туку вазни со цвеќе, декоративни свеќи и некои други, занимливи предмети кои се туку за да го разубават целиот простор.
4. Освен послужавникот, во модерно уредената просторија често се наоѓаат и некои „старомодни“ детали или парчиња мебел. Тоа може да биде некој стол, фотелја, некоја масичка или нешто сосема друго, но кое во целата таа современа концепција ќе создава одличен и доста убав контраст.
Преминете на следната страница за останатите декоративни идеи на модерните девојки…
